Fyrsta hraðhleðslan í Grafarvogi
Ísorka hefur opnað nýja hraðhleðslustöð við Olís Gullinbrú. Stöðin er af gerðinni Alpitronic Hypercharger en hún 150 kW í fyrsta áfanga og hleður bæði CCS og Chademo bíla.
Um er að ræða fyrstu hraðhleðslustöðina í Grafarvogi og sannarlega kominn tími til. Hraðhleðslustöðin er liður í samstarfi Ísorku og Olís og er stöðin við Gullinbrú sú tólfta á rúmu einu ári. Þær hleðslustöðvar sem á undan voru eru á eftirtöldum Olísstöðvum:
- Álfheimum
- Ánanaust
- Akranesi
- Borgarnesi
- Siglufirði
- Reyðarfirði
- Höfn
- Kirkjubæjarklaustri
- Hellu
- Selfossi
- Reykjanesbæ
Uppbygging hraðhleðslustöðva í samstarfi við Olís hefur gengið vonum framar og hefur verkefnið fengið virkilega jákvæðar viðtökur. Sér í lagi úti á landsbyggðinni sem við höfum sett mikinn fókus á í fyrstu áföngum. Næsta staðsetning í röðinni er öflug hraðhleðslustöð í Vík í Mýrdal.