Um Ísorku

Ísorka er leiðandi afl á sviði umhverfisvænna samgöngumáta og hefur undanfarinn áratug byggt upp eitt stærsta rafbílahleðslunet landsins.

Við veitum ráðgjöf við hönnun hleðslulausna, bjóðum einstaklingum og fyrirtækjum umsjón með rekstri stöðva og framúrskarandi þjónustu við eigendur þeirra og aðra rafbílanotendur um allt land. Viðskiptavinir okkar fá aðgang að einni fremstu hugbúnaðarlausn Evrópu á sviði raforkustýringar fyrir hleðslu rafbíla.

Til að sinna uppsetningum og viðhaldi njótum við liðsinnis fremstu sérfræðinga landsins og tryggjum þannig að kröfum viðskiptavina um áreiðanleika og aukinn hraða og þægindi sé mætt.

- Hlöðum saman

Ísorka hóf starfsemi í lok árs 2016 og var þá fyrsta fyrirtækið á Íslandi til að veita rauntíma upplýsingar um notkun hleðslustöðva. Ísorka var jafnframt fyrsta fyrirtækið hér á landi til að hefja gjaldtöku fyrir hleðslu á hleðslustöðvum, opna möguleika fyrir fleiri til að bjóða hleðslu til rafbílaeigenda og hefur þannig stuðlað að hraðari orkuskiptum á Íslandi.

Starfsmenn

Hjá Ísorku starfa sérfræðingar á sviði hleðslulausna fyrir einstaklinga og fyrirtæki. Við leggjum áherslu á gæði, áreiðanleika og vönduð vinnubrögð í þjónustu við viðskiptavini okkar.