AVIS hefur sett upp 75 kW DC stöð fyrir utan flugstöðina á Ísafirði sem síðar verður uppfærð í 150 kW

Með hraðhleðslustöðinni leggur AVIS grunn að orkuskiptum eigin bílaflota. Stöðin er tengd við Ísorku og aðgengileg öllum í gegnum Ísorku-appið og/eða með Ísorku-lykli.

Hraðhleðslustöðin er frábær viðbót sem þéttir hleðslunet Ísorku enn frekar. Stöðin er annað skref í samstarfi AVIS og Ísorku í uppsetningu hraðhleðslustöðva og gert er ráð fyrir fleiri stöðvum á næstu misserum í öllum landshlutum.

Verkefnið var unnið í samstarfi við Orkusjóð og er hluti af innviðastyrkjum fyrir vistvæn ökutæki.

Stöðin er aðgengileg í Ísorku appinu ásamt öllum öðrum betri hleðslustöðvum um allt land.

Stöðin er af gerðinni Hypercharger, nánar er hægt að kynna sér hana hér