Vegna fjölda ábendinga hefur Ísorka samið við prófarkalesara til ársins 2032.

Ísorka biðst velvirðingar á stafsetningar- og innsláttarvillum sem hafa átt sér stað í gegnum árin og vonar að þessi ráðning verði til þess að núverandi og framtíðar viðskiptavinir geti andað léttar. Fréttabréf og annað markaðsefni Ísorku verður því framvegis svo rétt að sjálf Árnastofnun mun líklega veita Ísorku verðlaun. Það er því hægt að ganga að því sem vísu að íslenskan verði rituð rétt um ókomin Ísorkuár (eru það kannski 2 orð?)

Ísorka þakkar þau fjölmörgu viðbrögð og þær hlýju kveðjur sem bárust okkur.

Takk fyrir að standa vörð um íslenskuna.

Kær kveðja,

Starfsfólk Ísorku